Khamoshi

(Picture By Jafar Shameem)

Lab khamosh hain Kyonki ankhon ne Chura li hai awaz
Sirf nazron se le sakte hain ab husn e Ada ka andaz

Unke mudne se jab lahrayi khuli hui reshmi zulfen
Dil se aah nikli khamoshi se phail gayi nazren

Saaf peshani (forehead) per jhalak raha tha unke Noor e chiragh
nazron ne choomkar de diya pakeeza Niyaz (gift)

Kaan ki baalyan jhoolti rahin, jab jab mudta chehra
Nazar sawaar hui uspar, laga woh sawan ka jhoola

Juda hua hai Nokili naak mein jo nayab heera
Nazren chownk jaati hain, jab woh Chamakta

Surahi numa gardan mein unke, latka hua qeemti haar
Nazar tiki rahi uspar, ho jaye na kisi haadse ka Shikar

Surkh ho Gaye hain unke gaaal Jo lajja se
Yehi dua hai ki kisi ki buri nazar na lage

Labein khilti hain jab unki Dilkash muskarahat mein
Jigar Chahta rahta hai unhe nazaron se bosa de dein

Goonjte hain jab unke alfaz mere Kano mein
Samajh na pata hoon unko, hain woh itne sur mein

Jhaank kar dekha jab unhone meri nigahon mein
Mil gaya hoga meri khsmoshi ka Sabab meri nazron mein

(Picture by Jafar Shameem)

For more pictures by Jafar Shameem please log on to https://www.jafar.com/