Kya Gham Kya Khushi

(Picture by Jafar Shameem)

Itna naraz na ho aaj gham ki baari hai

Yeh bas soch lo kal Khushi ka Mauqa hai

Na chha Jane do mayusi dil ki dhadkano mein

Jo hua woh na tha thumare bas mein

Gar tha bhi tho anjane mein be ilm guzra

Her insaan se ghaflat mein kabhi bhi ho sakta

Tanao aur fikr se masla koi hota nahin Hal

Na hi milta hai sukoon, aur na kabhi chain ya pal

Ghaltian hoti hain sabse aur anjaam bhi hota hai bura

Na ho phir se aisa dhoond lo inse Bachne ka raasta

(Picture by Jafar Shameem)

Uthao haath qunoot mein kaho tahe dil se

Main insaan hoon karta hoon ibadat sadiyon se

Aap ne beshumar rahmo Karam barsaya mujhpar

Is Aafat se bhi rehai ka raham kar do humpar

Bhar do jhooli meri phir se Khushiyon se bepanah

Na hoga ab gunah Mujhse hai yeh mustaqil wadah

Main tho sirf ek Zarra hoon kainat ki kashadgi mein

Tairta rehta hoon her simt Khud ki talash mein

Mujhe Khaliq ka Sahara gar milta rahe her bar

Umr bhar ke liye ho jayonga rab ka pairo kar

(Picture By Jafar Shameem)

For more pictures by Jafar Shameem, please log on to https://www.jafar.com/