Be Sabri

Zindagi youn hi kat Rahi hai Yahin
Kya Mulaqat Hogi unse kabhi

Main tho is aas mein Ji raha hoon ab Tak
Unke deedar ke ghadiyon ki mile gi ahat

Jala di Shama us paak aangan mein
Jahan kaththi thi shamein gum sum mein

Na waqt ka taqaza tha na hi mausam ka fiqr
Kho jaate ek duje mein na Hota Kisi aur ka zikr

Tay Karte the magrib se fajr ka safar bekhabar
Chod kar deen aur duniya ko be nazar

Guftugoo mein Guzar jate the kuch pal
Justuju se karte the her ek masla Hal

Nazar milti thi aur Doob jaati thi behoshi mein
Pighal jaate the ek mal mali aghosh mein

Kabhi tairte the samunder ki pur sukoon Lehron per
Ho jaate madhosh beqaboo unki pakeeza sadi ada per

Kya lautenge beete hue dinon ke yeh Nazare
Ya kho diya hamne sab kuch tum na rahe hamare

Ham na choodenge ummeed jab Tak hai jaan
Hamen Yaqeen hai gar hum na mile yahan hogi mulaqat Bashak wahan

(Picture by Jafar Shameem)

For more pictures by Jafar Shameem please log on to https://www.jafar.com/