Intezar

(Picture by Jafar Shameem)

Intezar gham ka kabhi nahi hota hai

Intezar mein hi basa rehta hai gham

Her intezar ka asar sab per padta hai

Intezar ki Ghadiyon mein ho jaati hain ankhen nam

Dil ki dhadhkano ki raftar badal jaati hai

Na hota hai Mehsoos koi khushi ya gham

Cha jaata hai ghair yaqeeni (uncertainty)ka badal

Doob jaate hain mayoosi mein Aksar

Karte rahte hain her pal ki doorbeni (introspection)

Salah ya mushware ka hota nahi asar

Sewai rab ke, kisi aur ne na koi Rahat deni

Intezar nateeje ka ho ya koi phaisle ka

Intezar haadse ka ho ya koi Manzar ka

Intezar dost ki razamandi ka ho ya mehboob ki qabooliet ka

Zindagi hi mein sab intezar ho jaate hain Khatam

sirf ek hi intezar hai, jo rehta hai her pal, poore janam

(Picture by Jafar Shameem)

For more pictures by Jafar Shameem, please log on to http://www.jafar.com